Крэўскі летнік 2019
З 15 па 28 ліпеня 2019 года Мясцовы дабрачынны фонд «Крэўскі замак» у супрацы з Інстытутам гісторыі Нацыянальнай акадэміі навук Рэспблікі Беларусь правёў археалагічны летнік. Валанцёры, якія далучыліся да працаў, шчыравалі на Гарадзішчы ў пошуках новых знаходак.
Акрамя працоўнага часу для валанцёраў нашага летніка была праведзена багатая культурніцкая праграма. Пад вершалінамі старых дрэваў, на ганку старой хаты перад адпачываючымі археолагамі выступалі:
Алесь Чумакоў з патрыятычна-ірландзкім рэпертурам
Краязнаўца Алесь Камінскі паказаў усю сутнасць Крэва (на фота экскурсанты чакаюць заканчэння дажджу ў сценах Крэўскага касцёла) —
Спявачка Таццяна Грыневіч заспявала песні і зладзіла танцы для жадаючых —
Валанцёры завіталі ў Чухны да Бондаренко Сергей, каб зверыць арыенціры, зацаніць макет Кейстутавай вежы 1:10, папрацаваць з глінай і памедытаваць на маўчанне камянёў у шэпце траваў.
Ішоў 5-ы дзень летніка, але ўдзельнікаў цягнула не зямля, а навука. Увесь вечар абмяркоўвалі альманах KREVA INKOGNITA (які, да слова, даступны ў «Акадэмкнізе») і планавалі будучыню Крэва — 
Я хацеў бы спаткацца з Вамі ў Крэва
У такі ж надвячорак,
Каб сказаць:
«Бачыце гэтыя
Ясныя твары-імгненні?
Для іх свеціць нашае сонца,
I нават завітаў Максім Багдановіч Літаратурны музей.
Хто мы такія?
Хіба падарожныя? Спадарожнікі волі нябёсаў.
Нашто ж на зямлі
Сваркі i звадкі, боль i горыч,
Калі ўсе разам можам працаваць
І ўвечары адпачываць з сябрамі
Пад песні Aliaksei Zhbanau?»
Мала хто ведае, аднак кожны ўдзельнік летніка ў Крэве-2019 змог атрымаць за працу цішотку з мястэчкам, замкам, Гарадзішчам і шмат чым яшчэ —
З Аляксандрам Памідоравым засядзеліся да начы: цудоўны канцэрт атрымаўся —
МЦ2 MorkvoЦвет сустрэлі на самым высокім узроўні —
А рыцары Юрыя Ўсціновіча навучылі змагацца —
Закрыў сезон выступ-монаспектакль Івана Кірчука
Да сустрэчы ў новым сезоне!
Пачытаць аб нашым летніку можна на сайтах парталаў Крэва.Трэвел, Беларускага тэлебачання, Радыё Рацыя, Рэгіянальнай газеты .
