Перспектывы кансервацыі замка — пляны

Спадчына Крэўскага замка ў “Краіне Беларусь”!
Днямі выйшла з друку кніга Уладзіміра Арлова і мастака Зьмітра Герасімовіча «Краіна Беларусь. Вялікае княства Літоўскае».
І ў гэтай кнізе зьмяшчаецца выява-рэканструкцыя нервюрнае цагліны з Кейстутавай вежы Крэўскага замка!!!

Іл. 1 Рэканструкцыя нэрвюрнай цагліны і спецыяльнай фармовачнай прыстасовы для яе (на цагліне відаць стылізаваную эмблему фонду)
Аўтарам рэканструкцыі з’яўляецца старшыня праўлення мясцовага дабрачыннага фонду “Крэўскі замак” Шулаеў Андрэй, што і ўказана ў подпісу да ілюстрацыі.

Іл. 2 Прыклад гатычнага нэрвюрнага скляпення
Фігурныя нэрвюрныя цагліны – адзін з самых характэрных элементаў архітэктурнага стылю Готыка, з іх выкладаліся аркі каркасу скляпенняў, якія пасля запаўняліся шэраговай цэглай – атрымоўвалася скляпенне з фігурнымі складанапрафіляванымі жалабкамі.

Іл. 3 Фрагмент крэўскай нэрвюрнай цагліны ў Нацыянальным гістарычным музэі

Іл. 4 Фрагмэнт крэўскай нэрвюрнае цагліны ў Крэўскім музэі
Дзеля рэканструкцыі крэўскае нэрвюрнай цагліны супрацоўнікам Фонду давялося правесці комплексныя навуковыя даследваньні на падставе знойдзенага пры раскопках замка архэалягічнага матэрыялу, частка з якога сёння захоўваецца ў Нацыянальным гістарычным музэі ў Мінску, частка ў Крэўскім школьным музэі.

Іл. 5 Аналаг фігурнай (не нэрвюрнай) цагліны ў спэцыяльнай форме
Далей з дапамогай гістарычных аналёгіяў сп. Шулаеў узнавіў форму цагліны ў маштабе 1:1, а таксама зрабіў адмысловую форму для фармавання такіх цаглінаў з дрэва. Мадэль жа па накідах выканалі рамесьнікі-ганчары.

Іл. 6 абгортка кнігі “Краіна Беларусь. Вялікае Княства Літоўскае”

Раім усім набыць сабе ўнікальны альбом “Краіна Беларусь. Вялікае Княства Літоўскае”, перакананыя, што такая кніга мусіць быць у кожным доме!

Фотаздымкi Больш фотаздымкаў у фотагалерэі